TWR Bible Quiz abo tamo?

Naitugwi man na bagwi oro Click khlai di

TWR Bible Quiz wng kha India ni kokrok bai Elembak ni kokno tei bo kuthuk khe sai man rwna bagwi khlai jakma ni. Chwng thahng nai bisi 11 romwi Bible Quiz bkhao chapma twih no khlai man phai lai kha. abo khlai manma uklogo TTB ni Dr. J. Vernon McGee Kaitor ni kokthaino systematic study khlai man nai, abo twih khe swnamwi rwma bagwi se cha sio, tabuk Kok 100 ni bahra bai TWR India ni yago abo twih rok manthogwi tongo. Je motha ni borokrok TWR Bible Quiz no man jak bai kha, bohrok no sabaio Kaitor ni kokthaino tei bo kuthuk khe sai man kuk kha hwnwi. Sana klaio, 2019 bisio chini India bising ni man jaknairok simi se 66,000 ni bahra wng kha.

Taklai bo chini ha India ni bebak hao teisa naithokkuk, kahamkuk khe khlai lai man nai hwnwi chwng khatungwi tongo. Aboni bagwi taklai khe Online Bible Quize khlai jak si nai. COVID-19 ni jwngjal bisingo phah no samung le bathak lai ya hwnwi uansukma bagwi, phiya Government ni raida tei kerongrokno bo swbai lai ya hwnwi uansugwi no chwng tei kisa juda khe samung khlai laina ma uansuk lai kha.

Taklaio Lam Rwma bijapno twih swrwngma bising twih nwng kwbangma kaham kaham swrwngmung manwi, Pholao torthani chubamung man phi nai hwnwi chwng khatungo. Nwng o Quiz uo man jakma bising twih nwng chwngno kothoma kaham pirna tei bo phan rwma se klai nai, phiya kwbangma poito khlai nai rok nono nugwi phan man jak nai, omo hai khe TWR India no chubachu khlai tong phi di hwnwi chwng kobok jao.

Nono hambai

Manthog nai podrepod kokrok :-

TWR India ni Bible Quize 2020 kai 14 kok bai online uo manthok nai, abo bai no India bising ni bosong kotor kotor rok ni thanio chwng sohk ro ui nai. Taklai uo tamo tamo kokrok bai wng nai abo sai man na bagwi oro click khlai di

English

हिन्दी

தமிழ்

తెలుగు

മലയാളം

বাংলা

मराठी

ਪੰਜਾਬੀ

ગુજરાતી

ಕನ್ನಡ

অসমীয়া

नेपाली

ଓଡ଼ିଆ

Kokborok


O kokthairokno nwng kaham khe buchi ui man khe Quiz uo achugwi man kha. Register khlai phru nwng buchima kokno chose khlaina ta pok ja di.

Registration Fee :-

Uaisa jat Registration Fee rwjak nai wng kha INR 50 se

Registration Fee no khe Quiz ni bagwi registration khlai phru no online twih se ma rohor nai

Tumung no nwng India ni phataro tong twtwih rang rohorna nang tong khe Indian Currency khlai se ma rohor nai abo muitu narwk di. Abo rohorna bagwi nwng kwcha kwpha wngwi tong khe website uo contact khlai jaknai borokrok ni number tong nai aro kok sahor di.

Nwng registration khlai pai bai khe no, TWR India naikini khlai nai hakhe confirmation rohor nai phiya raidarok bo nono rohor jak nai, phiya swrwngwi tongsokna bagwi khnajak nai audio content eba swrwngjak nai bo nono rohor jak nai.